昨日， 陳奕迅為下月推出的全新國語專輯《C’mon in~》，舉行全球唱片宣傳發布會，並於同場宣布由本月22日起，於中港台、星馬、美加及歐洲等18個地方舉行19場「Eason saysC’mon in~Tour」，親身演繹十首新歌。
陳奕迅今次找來監製Jerald一起分享新碟點滴，由於當時兩人分隔香港及加拿大兩地，所以全程靠whatsapp討論歌曲。由於兩人好老友，所以說話時相當直接。Jerald表示早前給了陳奕迅一首demo，怎料陳奕迅卻說不夠好，Jerald就即時刪除了demo，其後Jerald 說很喜歡大家都很直接地交談。
陳奕迅今次找來監製Jerald一起分享新碟點滴。
香港工作有惰性
到錄音時，陳奕迅特別要求到臺灣錄音，他解釋：「喺香港錄音會有惰性，喺台灣唔同，會好想快啲做完嘢，之後去搵美食。」結果Jerald表示只花十日便完成錄音工作。談到之前陳奕迅因病急停工作，他解釋：「因為擔心個病會愈來愈嚴重，影響之後工作，所以決定返港休息三日。」
不願簽新人歌手
今年陳奕迅參與內地歌唱比賽節目《中國新歌聲》，因此被問到會否物色有潛質新人簽為旗下？他說：「我有幻想如果佢哋係我公司藝人，我會點去裁培佢，但好難，我知道自己麻煩，所以我做唔到經理人。而且藝人係好麻煩，我唔可以理智地承受佢哋嘅麻煩，我分分鐘同佢哋開拖。」
陳奕迅表示自己不想做經理人。
下載APP