蘇永康、側田、陳柏宇等人出席新城音樂會，三人演唱多首經典歌曲，更合唱了〈男人KTV〉及〈不想獨自快樂〉。問到蘇永康跟側田和陳柏宇有代溝一事，蘇永康回應：「其實冇代溝，係我唱啲歌太舊。」他希望下一次有機會跟側田和陳柏宇再合作。
三人一起出席新城音樂會，並唱出多首經典歌曲。
在受訪時，蘇永康表示自己的耳朵最近聽力變差，他說：「噚晚隻耳出現一啲問題，而家聽覺兩邊有少少差別。」他透露之後在內地還有很多演出，不過就直言不太擔心耳朵不適：「好彩問題唔算嚴重，沒傷到耳骨，而家只係積血，所以腫咗，左邊耳聽力打咗七折。」他又指會聽從醫生指示好好吃藥，而明天也會放假休息一下。
蘇永康表示自己的耳朵最近聽力變差。
側田感謝蘇永康照顧
側田完場後也表示很開心有機會三人一起辦音樂會，又特別感謝蘇永康對他照顧有加：「多謝蘇永康多年嚟嘅指導，我入行後佢就好似我哥哥咁，今日要好認真咁講聲，呢個係我榮幸。」早前他上載了一段去紅館售票處購買汪明荃演唱會門票的短片，藉此宣傳自己的演唱會，他笑言：「唔怕汪阿姐嬲，佢咁愛我。」
側田特別感謝蘇永康對他照顧有加。
陳柏宇怕被前輩取笑
至於同場的陳柏宇大讚這次合作很好玩，他說：「上到台不自覺會唱高音啲，結果低音無咗，原來側田都係咁，我安心好多，應該高手都係咁。」他又希望兩位前輩可以去支持他在12月舉辦的演唱會，雖然獲側田一口答應，不過他就有點擔心：「我幻想佢哋喺後面聽我唱歌嘅時候，可能會話我唱得差同走音，所以都幾大壓力。」
陳柏宇希望兩位前輩可以支持他舉辦的演唱會。
下載APP