任達華和劉嘉玲相隔25年再次合作，兩人將會拍攝由葉念琛執導的賀歲片《我的情敵女婿》。問到任達華是否力邀劉嘉玲演出？任達華笑言：「我求咗佢好耐，已經25年喇。」劉嘉玲即回應：「唔係嘅！其實係個角色好吸引。我呢次演嘅係『阿寶』，我聽講呢個阿寶係導演嘅初戀情人，背後居然有一個咁浪漫嘅愛情故事。」
任達華和劉嘉玲相隔25年再次合作。
不過，劉嘉玲表示之前未看過葉念琛的電影，而今天也是第一天拍戲。問到劉嘉玲與任達華是否有感情戲？她表示：「佢同我個女嘅感情戲比較多，我哋三個人嘅關係比較複雜一點。」而問到任達華這次是否有忘情戀？他大賣關子笑言：「會有唔同嘅戀愛，哈哈！其實愛情係冇分年紀、冇分時間嘅，不過今次嘅感情戲真係有啲複雜。」問到嘉玲有沒有遇過浪漫的事？她說：「浪漫唔一定係男女之間，好似行山、一個人飲咖啡都可以好浪漫。」
葉念琛、任達華、劉嘉玲、葉念琛等，一起現身首日拍攝。
下載APP