46歲嘅DJ阮小儀，早排放咗兩個禮拜大假，好多人以為佢去旅行，原來小儀甲狀腺囊腫，秘密入院做手術。一直冇洩露口風嘅佢小儀，手術成功出院復工，並親自為病情解畫：「兩年前已發覺身體出咗問題，最終的起心肝，決定趁放大假入院動手術。」
為免令粉絲擔心，小儀事後亦有喺Facebook發文交代病情，佢話：「放咗兩個星期假，唔係外遊，係入咗醫院一遊。因為甲狀腺左右兩邊都出現咗兩大個結節，Size頗大，唔切唔得，所以只好聽話，做手術搞掂佢。而家冇咗兩粒大嘢，亦冇咗甲狀腺，以後每日記住食甲狀腺素補充劑就基本上OK㗎嘞！今次我好幸運遇到好嘅醫生，好嘅醫生朋友畀各方面意見我，同埋好嘅保險朋友，過程一切順利！」
下載APP