美國女星愛瑪史東（Emma Stone）憑《星聲夢裡人》，撼贏珍妮花勞倫絲（Jennifer Lawrence），成為2017年《福布斯》全球最賺錢女星。除了事業得意，愛瑪史東嘅感情生活亦好美滿，有傳佢同安德魯加菲（Andrew Garfield）已經低調復合。
據英國《太陽報》報道，愛瑪史東近日不時前往倫敦，為安德魯加菲嘅舞台劇《Angels in America》撐場，報道話兩人感情一路都冇變，近排又再喺番埋一齊，愛瑪史東每次睇舞台劇都會入後台，仲被見到同安德魯加菲低調拖住手喺後門走。
愛瑪史東同安德魯加菲於2012年拍電影《蜘蛛俠：驚世現新》時撻着，但於2015年宣布分手。不過，兩人分手後關係一直好好，今年年初，愛瑪史東獲封奧斯卡「金像獎」影后，安德魯加菲都有上前祝賀。今次兩人復合嘅消息傳出後，唔少粉絲都紛紛留言戥佢哋開心。
下載APP