張家輝繼《盂蘭神功》、《陀地驅魔人》後，第三次自導自演新戲《低壓槽》，今次他不再走驚憟路線，反而大玩動作飛車爆破的警匪片。張家輝在片中有多場驚險鏡頭都堅持親身上陣，鏡頭前後一手包辦。早前，拍攝團隊先後到日本、上海同泰國等地取景，為了拍攝其中連場飛車爆破鏡頭，攝製隊於上海封街拍足整整一個禮拜，認真大陣仗。
繼《盂蘭神功》、《陀地驅魔人》後，張家輝第三度自導自演新戲。
張家輝在片中有多場驚險鏡頭都堅持親身上陣，鏡頭前後一手包辦。
日前，電影公司公開最新預告及製作花絮。在花絮中，張家輝在現場非常認真，每個場面調度都要非常清楚，即使動作指導在場指導，他都從旁給予意見，表現十分緊張。而戲中連場驚險鏡頭，張家輝都堅持親身上陣，拍完又急急腳跑回鏡頭後看Play Back，每個鏡頭都一再確認先收貨，絕不欺場。
張家輝在現場非常認真，每個場面調度都要非常清楚。
張家輝不再走驚憟路線，反而大玩動作戲。
封街拍足一星期
該片先後遠赴日本、上海及泰國等地取景，由於當中有大量槍戰以及飛車等場面，所以每去到一個地方都要花時間交涉及安排，可謂心力交瘁，其中一場在上海拍攝的連環飛車爆破戲分，攝製隊就要封街拍足整整一星期，認真程度可見一斑。之外，張家輝更為新戲碌盡人情咭，除了邀請內地女星徐靜蕾擔任女主角，還找來好友苗僑偉、張可頤、張繼聰、元華、秦沛、林雪及伍允龍等演出重要角色。
張家輝和元華在片場研究動作設計。
首度嘗試警匪片
張家輝在片中飾演警方臥底，但由於他行事獨立不受控制，經常受到警隊的非議。為了改變罪惡之城的黑暗，他不惜挑戰城中最大的神秘勢力。對於前兩部執導的作品都是恐怖題材，今次為何突然嘗試警匪片？張家輝表示：「喺我嘅演藝生涯入面，都拍咗唔少警匪片，有另一種體會。因為之前都係拍人哋嘅想法，所以今次就大膽嘗試，睇睇而家自己拍會有點樣一個情況出現。」
片中張家輝有跳傘情節，不過是後期CG加工。
享受做導演過程談及為何將新戲命名為《低壓槽》？張家輝解釋：「『低壓槽』係一個壞嘅天氣現象，係一個無可避免嘅狀況。正如正義同罪犯一樣，可能我哋永遠都會鬥爭。」他坦言自己很享受當導演，所有事都想親力親為：「有人問我喺現場係咪應該有執行導演？其實係冇嘅，所有嘢都自己嚟。如果搵個執行導演，應該可以舒服啲，但我唔鍾意，因為喺拍攝嘅過程，每一樣嘢都希望喺自己嘅諗法下去實現。」
《低壓槽》於今年5月煞科，有望於今年年尾正式上映。
為角色留邋遢長髮
張家輝在片中造型十分特別，不僅留鬍鬚，更專門為角色留了一頭邋遢長髮，他坦言做演員多年一直在外形方面作出很多改變，今次是以一個新形象來演繹劇本的角色。雖然警匪片一般都是以男人戲為主，但張家輝亦對女主角徐靜蕾的表現讚不絕口：「徐靜蕾戲分都幾多，我覺得喺幾場重頭戲入面，佢嘅表現非常好，好適合呢個角色，亦係一個非常有才藝嘅演員。」
徐靜蕾在片中的表現獲張家輝激讚。
張家輝專門為角色留了一頭邋遢長髮。
下載APP