現年32歲的男歌手周柏豪，去年11月和圈外女友結婚後，人氣不降反升，除了去到內地開巡迴個唱，和蔡卓妍主演的新戲《原諒他77次》更是票房口碑雙豐收。約滿合作十年的華納唱片後，周柏豪事業更上一層樓，他宣布以八位數字加盟TVB NewMedia，並簽約TVB旗下的星夢娛樂做「一哥」。
周柏豪以八位數字加盟TVB New Media，並簽約TVB旗下的星夢娛樂。
周柏豪和蔡卓妍主演的《原諒他77次》，票房口碑雙豐收。
在簽約儀式上，周柏豪直言加盟TVB後，最期待的工作是拍劇：「未來想投放多啲時間喺呢方面，自己本身鍾意賞試新嘢，非常有興趣合作。加上大家理念一致，而且人工高福利好，的確令我幾驚訝。」對於被封為唱片公司的一哥，周柏豪笑言：「我喺屋企排第二，點都係二佬，總之咩稱呼都好，男人嚟講唔好做九叔就得。」
周柏豪獲星夢娛樂老闆何哲圖欽點做「一哥」。
去年11月，周柏豪秘密迎娶拍拖八年的圈外女友。
任何獎都想攞
除了拍劇，周柏豪更會獻唱劇集《使徒行者2》主題曲，問到是否想拿最受歡迎男歌手獎？他稱任何獎都想拿：「乜嘢獎我都想攞，未攞過想攞，攞過嘅再攞。（未來奪視帝？）有機會嘅都想，但而家仲係學習階段，喺呢間公司只係新人。」周柏豪指自己這兩年發生很多大事，雖然太太及家人沒到現場，但他們亦十分緊張。
否認逼走許廷鏗
問到他是否坐了鄭俊弘「一哥」之位？周柏豪解釋：「無分別，大家都係年輕人，見到位咪坐囉！我自己本身唔識鄭俊弘，但我兩次演唱會佢都嚟睇，應該唔會介意嘅，百花齊放。」談及是否趁機逼走許廷鏗？周柏豪否認：「只係做自己想做嘅事，搵到想合作嘅夥伴，我哋都有傾過。」工作已排到明年4月的周柏豪，被問到會否無時間「造人」？他揚言：「會盡量抽時間。」
周柏豪否認逼走許廷鏗，只是大家剛好找到想合作的夥伴。
老闆欽點做一哥
星夢娛樂老闆何哲圖希望周柏豪加盟旗下後，事業更上一層樓，擴展到內地和東南亞。問到是否因為許廷鏗不肯拍劇所以簽周栢豪？何哲圖否認：「唔關事，唔可以相提並論。」問到空降周柏豪做「一哥」，會否令旗下歌手鄭俊弘和胡鴻鈞不開心？他表示：「唔會嘅，栢豪資歷長，其他人亦各有發展，胡鴻鈞要拍兩套劇，鄭俊弘亦會有新歌。」
周柏豪空降星夢娛樂，被指搶了鄭俊弘的「一哥」之位。
下載APP