日前，「2017香港小姐競選」舉行首輪面試，吸引上百名佳麗湧入電視城，當中一名自稱Angelica的女仔最為吸睛，她鼻子又長又直，兩邊的蘋果肌又異常豐滿，吸引媒體爭相採訪。Angelica堅稱自己沒整過容，「間尺鼻」一夜之間成為全城焦點，更遭網民火速起底。
Angelica因「間尺鼻」一夜成為全城焦點，遭網民火速起底。
現年25歲的Angelica其實一早是圈中人，她除了做過?模，更於2015年以「何沛沂」為名，簽約信星亞太娛樂的經理人公司，期間最威水是和台灣男星黃鴻升拍電影《一屋二欺》，但最後因資金問題停拍。此外，Angelica還曾為雜誌拍攝水著照，當時她大方分享獨門豐胸法：「我食極都唔肥，上圍豐滿係因為讀書時好鍾意飲珍珠奶茶，差不多每日都飲。」
認為畀人擺上枱
一夜成名後，有媒體致電訪問Angelica首輪面試情況，她覺得有人故意將她擺上枱：「我完全唔知乜嘢事，覺得好似俾人攞嚟炒作。都有影響心情，唔知點解影出嚟啲相咁樣衰，皮膚又好差，我啲朋友話真人唔會咁樣，參選者都有百幾個，但係好似特別針對我！」問她是否考慮放棄參賽？ Angelica：「我想放棄，但身邊嘅朋友好支持我。」
對於媒體爭相報道，Angelica認為有人故意將她擺上枱。
未收到第二輪面試
網上有傳Angelica曾經整過容，更有網民爆料指她曾做過夜場公關。對此，Angelica沒有正面回應，只表示：「唔知點解好似好多人都唔鍾意我，但係我都唔識佢哋！」第二輪面試將於下個星期進行，Angelica坦言至今還沒有接電話通知，她說：「印象中應該係會打電話通知。我畀人炒到咁樣，其實如果真實認識我啲人，都知我唔係嗰啲騎呢，但係如果覺得我要行嗰啲路線，都冇辦法。」
「2017香港小姐競選」舉行首輪面試，以下三名佳麗被網民稱為熱門。
下載APP