成龍和「第五代占士邦」皮雅斯布士南（PierceBrosnan）合作嘅動作新戲《The Foreigner》，將於今年9月30日正式上映。日前，電影公司首度曝光海報及劇照，相中雖然未見成龍同皮雅斯布士南嘅對手戲，但兩人各自擔正嘅場面氣氛緊張。成龍同《哈利波特》系列電影女星梁佩詩喺片中飾演父女，今次率先曝光兩人喺車入面嘅劇照。
成龍主演嘅荷里活新戲，將於今年9月正式上映。
電影故事背景同歐洲恐襲陰霾有關，成龍飾演英國唐人街小餐館老板，愛女梁佩詩受恐怖襲擊影響，對相關部門嘅做法十分悲憤。為幫愛女討回公道，成龍決心單拖對恐怖組織以牙還牙，遇著神秘人皮雅斯布士南，兩人聯手揭開驚天陰謀。電影除有前「占士邦」加盟，並由拍攝《新鐵金剛智破皇家賭場》嘅導演Martin Campbell執導，內地當紅女星劉濤亦參與演出。
前「占士邦」皮雅斯布士南，同成龍有唔少打鬥戲份。
下載APP