美國22歲大學生瓦姆比爾，於2015年喺朝鮮旅遊期間，疑偷政治標語被捕，被判「顛覆國家」罪成，要勞改15年。雖然上周已獲釋，但已變成植物人，並於周一離世，消息震驚全球。曾於朝鮮拍攝旅遊節目嘅主持人洪永城，得知瓦姆比爾離世嘅消息，於Facebook發文憶述喺當地工作期間，因攜帶關於最高領導人金正恩嘅禁書入境，搞到差啲被拘留，直呼非常幸運。
洪永城因攜帶關於金正恩嘅禁書入境，搞到差啲被拘留。
洪永城曾於2015年前往朝鮮拍攝旅遊節目《在那遙遠的地方》，佢話當時入境時犯咗個低級嘅錯誤，攜帶咗一本喺香港買嘅朝鮮書籍，搞到差啲被拘留。好彩最後只需簽悔過書，承認無意威脅金正恩嘅政權，先冇被拘留。洪永城話自己非常幸運，並提醒想去朝鮮旅行嘅網民：「你哋下次去朝鮮，千祈唔好帶有關朝鮮嘅書，同埋Delete曬電話入邊金正恩嘅圖片。」
瓦姆比爾喺朝鮮被囚禁超過15個月，上周獲釋回國後逝世。
下載APP