父親節今個周日就到，但當講到點樣揀父親節禮物，就真是一門高深嘅學問，感覺上阿爸好似乜都有晒，而且冇乜特別想要，所以就好難投其所好從而買嘢畀佢。但其實父親節禮物只要揀啲實用性高嘅，唔好買埋啲唔等使嘅嘢，相信阿爸都已經老懷安慰！
防水深度100米，配上耐磨藍寶石塗層礦物玻璃及44mm 拋光鋼錶盤，款式好Man ！
Gc錶準潮爸
韓風之熱人人都感受到，更加係唔少年輕人嘅潮流指標，但點解老竇又唔可以「韓」埋一份呢？瑞士錶牌Gc（Swiss Precision byGUESS）嘅「Cable Force」手錶系列，就係絕佳畀阿爸嘅父親節「韓」禮，皆因呢個系列嘅手錶就連最近極受歡迎嘅韓劇《悄悄話》入面主角李相侖都戴，雖然大家老竇都未必咁有型，但送畀佢戴下都叫做型過下掛？
「Cable Force」銀色精鋼帶手錶MOP 4,490
Vilebrequin游泳之父
大家有幾耐冇同阿爸去沙灘玩、一齊游水？炎夏啱啱到，將陽光下玩水嘅喜悅時刻同爸爸分享，咁樣或者係慶祝父親節嘅最佳方式。法國泳牌Vilebrequin嘅「Aqua-Magic」系列就推出咗父親節特別版泳褲，採用隱藏印花設計，濕水之後先會出現圖案，令人驚喜。Vilebrequin嘅「父子」系列主題，帶領父親重返童年， 尋回男孩時期的歡樂。
「Aqua-Magic」藍色隱藏印花圖案父親節特別版泳褲
MOP 2,100（成人）
MOP 1,100-1,300（童裝）
Emporio Armani 上班族爸爸
俗語話：「每個成功男人衣櫃都要有套Giorgio Armani西裝。」但動輒過數十萬至百萬，平民點買得起？所以退而求其次揀Emporio Armani似乎重更加實際！而最近Emporio Armani就挑選咗一系列專為上班族爸爸而設嘅禮物，當中包括領呔、卡片套、皮鞋等等，絕對係送嚟孝敬佢嘅最佳選擇。
淡紫色恤衫MOP 2,570
黑色魔術貼皮鞋 MOP 5,350
Ray-Ban 超人老竇
可能你阿爸係飽讀詩書的「文人」，Ray-Ban新推的Wood sun太陽眼鏡系列必定係送禮首選！實木鏡框，配搭柔軟橡膠層及纖幼金屬鏡框，點綴雕刻精緻嘅金屬鼻托，款式斯文又優雅。如果唔想咁多「花臣」，同場加映有Ray-Ban最經典Aviator新色眼鏡，玫瑰金色鏡框夠晒特別，另搭三種溫暖色調嘅漸變鏡片，夏天送畀老竇最啱。
Club Round Wood Sun實木鏡框太陽眼鏡HK$2,900
Aviator玫瑰金色鏡框飛行員太陽眼鏡HK$1,450
下載APP