現年37歲嘅台灣女星安以軒，今年3月同澳門富商陳榮煉註冊結婚。噚日，兩人喺夏威夷舉行婚禮，女星陳喬恩、劉品言、白歆惠及夏于喬等好友擔任嘅姊妹，一見到兄弟團即時伸手要大利是，仲搞笑檢查夠唔夠厚。至於婚禮就喺一望無際嘅藍色大海邊舉行，主題為「深海之弦」，約200名觀禮嘉賓坐喺以劇場方式擺設嘅凳上，甚有希臘童話浪漫氣氛。安以軒挽住老公隻手，步入會場時已流露幸福淚光。
安以軒同澳門富商喺夏威夷舉行婚禮。
安以軒喺婚禮上著嘅白色婚紗禮服，由法國Stephane Rolland設計師度身訂造，手上十卡鑽戒亦非常搶鏡。新郎含情脈脈親吻新娘額頭後，兩人開始宣讀誓言，當陳榮煉講完誓詞後，企喺身旁嘅安以軒即時忍唔住爆喊，佢話：「遇到你是我這輩子最大的幸福，老天爺安排在這個時間點，我覺得不容易，我會永遠愛你。」緊接係新娘掟花球環節，眾姊妹一擁而上，結果由好友陳喬恩接下。
新娘掟花球環節，好友陳喬恩（左）如願接到花球。
下載APP