王浩信在TVB人氣劇集《不懂撒嬌的女人》中，飾演深情專一嘅「Saving」一角，因而令他人氣急升，獲網民封為「暖男」。除咗憑劇集帶挈身價攀升，王浩信更成為下屆視帝大熱，而佢嘅事業亦攀上高峰，拍劇再加宣傳忙到冇停手，結果導致同老婆陳自瑤（YoYo）及女兒相處嘅時間少之又少。噚日，有報道話YoYo向友人狂呻，話老公少咗返屋企瞓，就算有時唔使開工都唔見人。
王浩信同陳自瑤於2011年結婚，兩人育有一名女兒。
近日，王浩信出席《不懂撒嬌的女人》大結局宣傳活動後，亦冇返屋企爭取時間同老婆見面。據了解，兩公婆喺教女一事上一直有分歧，更有指YoYo同奶奶關係麻麻，所以好少帶女兒返男家。老公又長期唔喺身邊，所有事YoYo要一個人頂曬，搞到兩人感情亮紅燈。對此，王浩信否認：「冇事，只係近排太忙，少咗時間返屋企，多謝關心」。
王浩信憑劇集帶挈身價攀升，更成為下屆視帝大熱。
下載APP