現年23歲嘅美國女歌手ArianaGrande，早前於英國曼徹斯特舉行演唱會期間，現場發生自殺式炸彈恐怖襲擊，導致22人死亡，逾百人受傷。慘劇發生後，Ariana毋懼恐襲威脅， 將於本周日（4日）重返曼徹斯特，舉行「One Love Manchester」慈善演唱會。除咗Ariana，其他巨星包括：Justin Bieber、Coldplay、Katy Perry及Miley Cyrus亦參與演出，為死難者籌款。
Ariana將於本周日重返曼徹斯特，舉行慈善演唱會。
慈善演唱會門票將於今天（1日）公開發售，收益將全數捐畀曼徹斯特市議會同英國紅十字會共同成立嘅應急基金。恐襲當晚演唱會嘅觀眾可以免費入場，電視臺同電臺亦會直播演出。爆炸案發生後，Ariana 因此事取消多場演唱會，但佢向傳媒表示，希望可以鼓勵自己嘅歌迷，並為死難者籌款。為確保演唱會可以安全舉行，主辦單位呼籲觀眾唔好帶袋入場。
演唱會收益將全數捐畀受恐怖襲擊影響嘅人。
下載APP