日前，導演彭浩翔同楊千嬅一齊出席電影《春嬌救志明》慶功宴，慶祝票房突破3,000萬。雖然電影票房報捷，但彭浩翔表明唔會開拍第四集，佢搞笑話：「有計劃開拍電視劇，會講怪獸食咗個小女孩，余文樂做隻怪獸，七日內食唔到小女孩就變怪物。」楊千嬅聽聞即自薦要做小女孩，但就被彭浩翔嫌佢老：「你不是小女孩。」
雖然電影票房報捷，但彭浩翔表明唔會開拍第四集。
講到余文樂喺社交網站貼出陽光與海灘嘅相，疑似去玩唔出席慶功宴，楊千嬅解釋樂仔係拍攝廣告：「佢人唔到冇所謂，之前賭票房佢輸咗，要拎10,000蚊出嚟請食飯。」日前，薛家燕公開叫楊千嬅讓出年尾紅館檔期，畀佢老人家舉行演唱會。對此，楊千嬅話：「唔好咁講，我知公司有申請，但目前仍未有消息，我都冇要咁多日，唔貪心，應該會有空檔，大家可以攤分一起做。」
楊千嬅話自己唔貪心，會同薛家燕分攤場地開唱。
下載APP