時裝夾卡通人物從來都係潮流界嘅吸金元素，尤其係一啲美國經典卡通人物，如米奇老鼠、史努比就一定冇死。但講玩到最出神入化的，就一定係美國設計師Jeremy Scott，當年佢重喺JOYRICH嘅時候，其設計已經夠Eye-catching。而最近UNIQLO同KAWS所推出的第二彈就同史努比聯名，平到喊畀你班Fastfashion擁躉搶下，撞衫撞到唔敢著，不過其實想買平平哋嘅潮衫，都重有好多選擇。
芬蘭童趣 b+ab×MOOMIN
除咗米奇老鼠、史努比之外，肥嘟嘟嘅姆明都係一眾品牌爭相合作嘅對象，去年就同潮鞋Jipi Japa 合作，而最近就輪到i.t旗下嘅少女服b+ab首次同姆明聯名出系列。服飾以簡約黑、白和紅色為主，配合《小肥肥一族》入面嘅角色車花圖案及細節，令單品看來比起普通Print製嘅更有質感，當中角色除咗有姆明外，重有科妮、阿美同埋史力奇，Fans必買。
白×彩色人物圖案綴珠片花卉圖案蝴蝶結袖TeeMOP 379
藍色人物圖案牛仔吊帶裙連白色TeeMOP 899
太空對戰SPRAYGROUND×賓尼兔家族
繼Marvel、海綿寶寶同埋忍者龜之後，美國背囊潮牌SPRAYGROUND今夏嘅聯乘就輪到賓尼兔家族。是次推出的背囊名為「Spacejam Good VSEvil 」，以太空為主題，由極受歡迎的賓尼兔家族及遊戲Smash Up邪惡人物對疊。另外，背囊上亦綴有品牌最標識嘅飛翼，切合飛上太空的概念，而且更具備900D的防水功能，最適合於夏天雨季使用。
「Spacejam Good VS Evil」背囊HK$800
愛狗注意Cath Kidston×101斑點狗
去年年尾英國花花潮牌Cath Kidston同米奇老鼠合作，到咗今夏，就找來同為迪士尼的101斑點狗為主角，令一眾愛狗人士雙眼發光！此系列以故事中的主角Pongo、Perdita 和牠們的可愛小狗為肖像設計，結合 Cath Kidston嘅經典印花圖案，當中包括背囊、手袋及家品等等。不過澳門專門店並未引入，想買就要到香港店或於官網購買了。聯乘系列將於5月27日正式上架。
紅×白色狗狗圖案童裝背囊HK$390
黑×白色狗狗波點圖案Tote bagHK$790
運動米奇izzue×米奇老鼠
米奇老鼠聯名嘅嘢都必大賣似乎係預料到嘅事，而與b+ab同樣為i.t旗下嘅izzue今夏就再次同米奇老鼠合作，今次主題為「運動風」，同樣以黑、白和紅色為主調，將戶外感融入運動服中。當中採用了反光Print章作設計亮點，配合闊身剪裁，注入Street fashion風格好有板仔味，男女裝同樣兼備。
黑色米奇口袋男裝TeeMOP 439
紅色半臉米奇TeeMOP 396
下載APP