Twins「LOL世界巡迴演唱會」進行到第15場，和去年一樣，她們於5月20日這個特別的日子，再一次返回廣州開騷，慶祝成軍16年。演唱會成功大賣，Twins開心又感動，她們在唱〈相愛六年〉時流淚不止。隨後，蔡卓妍（阿Sa）向鍾欣潼（阿嬌）講出「愛的宣言」，兩人在台上公開親吻，牽起演唱會最高潮。
去年5月20日於廣州開唱的Twins，今年於同一天再度在廣州舉行演唱會，這次她們更將香港的「四面台」完整搬到廣州。今年是Twins入行16年，阿Sa在台上對阿嬌講出「愛的宣言」，她說：「阿嬌，我識咗你17年喇！我哋一齊工作16年，多謝你一路以來陪伴住我，我愛你。」
Twins於5月20日再一次返回廣州開騷，慶祝成軍16年。
蔡卓妍在台上對鍾欣潼講出「愛的宣言」。
兩人嘴對嘴親吻
隨後，阿嬌忍住眼淚回應阿Sa：「你改變咗我好多，由我唔鍾意彩色，由鍾意黑白變到個人生愈嚟愈彩色，愈嚟愈開心。由唔鍾意講嘢，變到講多咗好多嘢，笑多咗，我真係好愛你。」一旁的阿Sa聽聞感動表示：「希望我哋繼續有無數咁多個16 年，26 年，36 年……」隨後，兩人應歌迷要求，在台上嘴對嘴親吻。
入紙申請紅館檔期
Twins表示再度在廣州開唱十分開心，談及兩人成軍16年，阿嬌說：「16年這個數字令人感動之外，仲有啲無奈時間過得好快。」阿Sa則表示：「其實好多嘢好似噚日先發生，點知已經16年，真係非常不可思議。」此外，阿嬌表示目前正嘗試入紙香港紅館，希望明年5月可以再返回紅館開唱。
鍾欣潼透露正嘗試入紙紅館檔期，希望明年可以返回紅館開唱。
下載APP