香港前女子組合Cookies成員吳雨霏（Kary）、楊愛瑾（Miki）、鄧麗欣（Stephy）及區文詩（Angela）多年來一直好友鬼鬼，即使各有各忙，都會盡量抽時間聚會。日前，有消息指Kary和Miki關係決裂，事緣Kary去年被爆小產，有傳Miki是放料人，令Kary傷心欲絕，狠心和對方劃清界線。
吳雨霏默認遭信任的人出賣，令她決心和對方劃清界線。
去年11月，Miki宣布懷孕喜訊的同時，Kary卻傳出不幸流產的消息。事後，Kary在Instagram取消大部分追蹤，當中包括Miki，更將有關Miki的相片刪除。早前，Miki誕下BB，Kary亦未有前往探望。Kary主動與Miki劃清界線，另外兩人亦不便插手，惟有輪流約Kary及Miki見面，四人聚會變成三人行。
早前，楊愛瑾誕下BB，吳雨霏亦未有探望。
被信任的人出賣
Kary態度如此決絕，事件源於去年Kary痛失胎兒一事。據知情者透露：「Kary一直守住秘密，知道嘅人只有極少數朋友，但有人卻背後爆大鑊，畀自己信任嘅人出賣，Kary好傷心好嬲。」據了解，小產事件曝光後，Kary好快鎖定「目標」，矛頭直指某人，但她未有當面決裂，只是不再當對方是朋友，因為覺得好失望。
吳雨霏婚後積極「造人」，可惜傳出不幸流產的消息。
默認姊妹情有變
消息曝光後，Kary默認和Miki姊妹情有變，她說：「大家各有各忙，我好相信緣分，能夠做到家人同朋友都要講緣分，緣來緣去！」對於私隱被洩，Kary不願多談，只表示：「冇再諗呢件事。」好姊妹關係決裂，問Stephy夾在中間是否左右為難？她表示：「所有嘢都講緣分，我唔講太多，兩個都係我嘅好朋友，想她們都開心。」
吳雨霏與楊愛瑾劃清界線，鄧麗欣和區文詩都不便插手。
下載APP