韓國男星孔劉主演嘅賣座韓片《屍殺列車》，去年喺當地創下逾10,000入場人次嘅票房神話，熱潮更係席捲亞洲。今日，網上傳出內地導演劉執東開拍號稱內地首部喪屍片。佢自導自演嘅《深山行》，講述飾男主角同女兒前往媽媽居住慶生，途中喺深山遭到喪屍襲擊，劇情同《屍殺列車》一樣，同樣在親情、愛情及友情嘅角度上展現人性衝突。
該片近日已於蘇州開拍，並率先曝光咗海報及劇照，被唔少網友狠批抄襲得太過分。有網民直指無論係劇情及海報，都同《屍殺列車》一模一樣，就連片名《深山行》，亦擺名抄襲《屍殺列車》嘅內地譯名《釜山行》，只是場景由韓國「釜山」變成內地「深山」，而男主角劉執東手抱女兒拍攝嘅海報，同孔劉手抱女兒拍攝嘅海報如出一轍。
下載APP