彼特（Brad Pitt）同安琪蓮娜祖莉（Angelina Jolie）曾經係荷里活嘅模範夫妻，可惜兩人最終離婚收場。一度有傳因畢彼特酗酒虐兒，令安琪蓮娜祖莉無法忍受，先決意離婚。日前，畢彼特登上雜誌《GQ》封面，承認酗酒係離婚嘅主要原因。消瘦咗唔少嘅畢彼特面容憔悴，佢話現時已經戒酒：「離婚後開始接受治療戒酒，已經展開新的生活方式，現在每逢想飲酒，就會飲紅莓汁加有氣礦泉水。」
畢彼特憔悴上雜誌封面，首度開腔談及婚變。
自去年8月同安琪蓮娜祖莉離婚後，畢彼特一直甚少公開露臉，今次佢首度開腔談及婚變，怪責自己酗酒惡習導致婚姻破裂，認為係自作自受，佢話：「如果你愛一個人，讓他們自由。現在我明白這個意思了，愛並非擁有，並不求回報。」離婚後，畢彼特亦感受到對兒女嘅付出唔夠：「小朋友會吸收所有東西，我們需要握他們的手，教導他們一切事物。」
下載APP