日前，係英國「萬人迷」碧咸（David Beckham）42歲生日，老婆Victoria同仔女都第一時間喺社交網站留言，祝呢個好老公同「廿四孝老竇」生日快樂。三名兒子Brooklyn、Romeo同Cruz都各自上載照片，其中Romeo就公開一張攬住老竇嘅相，見到碧咸半裸上身背住鏡頭，露出寫上兒子名字嘅紋身，Romeo發文話：「最好最有型的爸爸生日快樂！希望你過得最開心！好愛你。」
碧咸獲老婆及仔女預備禮物同蛋糕，慶祝42歲生日。
雖然早前電郵洩密風波令碧咸形象受損，但無損佢同老婆及仔女開心過生日。事後，碧咸於Instagram貼出生日派對中同仔女嘅合照，其中愛女哈七（HarperSeven）好Sweet咁攬住爸爸，場面非常溫馨。碧咸留言表示：「今天爸爸收到好多愛！」至於Victoria就上載咗同女兒哈七互派飛吻嘅相，佢話：「兩個你最喜歡的女孩祝你生日快樂！我們好愛你！」
碧咸同四名仔女感情十分要好，係出名「廿四孝老竇」。
下載APP