劉德華教家輝唱神曲

劉德華不僅演出《賭城風雲Ⅲ》，還親自作詞及演唱戲中歌曲。

昨日，劉德華、張家輝、李宇春和導演兼監製的王晶、劉偉強，在上海出席賀歲電影《賭城風雲III》發布會。以戲中輩分而論，劉德華及家輝都要叫李宇春一聲「姑姑」。談及為何給李宇春安排了一個這麼高的輩分，王晶解釋：「因為劉德華同家輝被李宇春欺負，睇起嚟會好搞笑。」

劉德華在發布會上教家輝及李宇春唱內地神曲。

在發布上，提及劉德華及李宇春合唱電影歌曲〈恭喜發財2016〉，早前一經推出，即時引來熱烈回響。問到家輝會否很羡慕？他表示：「我喺戲入面都有唱歌，又有Rap，而且我都有諗過同我哥哥（張學友）合唱插曲，但佢話我喺戲入面唱得太好，怕畀我攞晒彩就冇應承，所以我一啲都唔羡慕佢哋。」

劉德華與李宇春首次合作已經非常有默契。

張家輝演「神雕」

劉德華及李宇春首次合作已經非常有默契，問到兩人是否想過成為組合？李宇春表示：「我也想跟華哥做個組合，他點頭就可以。」劉德華聽聞即說：「我哋本身就喺組合，我喺戲入面演楊過，李宇春演小龍女，但我覺得唔夠，因為戲中家輝演『神雕』，所以我哋三個人喺埋一齊，先係真正嘅『神雕俠侶』！」

張家輝將在戲中扮「神雕俠侶」中的「神雕」。

華仔教家輝唱內地神曲

劉德華在歌曲〈恭喜發財2016〉中唱了一段內地神曲〈屯兒〉引來網民熱烈討論。問他可否即場示範唱兩句時，劉德華則鬼馬地表示：「我自己唱有乜意思，我要教家輝同李宇春唱。」隨後他即場教兩人演唱，但李宇春反叫劉德華唱四川話版本，家輝則笑言：「等我返香港要唱畀屋企人同朋友聽。」