潮州菜在粵菜菜系中有著舉足輕重的地位，而作為粵菜頂尖分子，美高梅「金殿堂」就喺呢個月推出限時懷舊潮州菜式。由於潮州處於臨海地區，有「無海鮮不成宴」嘅特色，所以點都會有海鮮上檯，例如「韓江酥炸蝦蟹棗」，用新鮮蝦肉及蟹肉，再加上馬蹄粒做出鮮爽彈牙的口感。另一道「老菜脯玉蘭燜鷹鯧魚煲」選用潮州特產的老菜脯蘿蔔乾，用來「吊味」簡直係「冇得輸」，將鷹鯧魚鮮味發揮到極致，再配個白飯就一流。較清淡的菜式就有「黃豆火腩春菜煲」，有祛濕功效，最啱春夏時節食用。
黃豆火腩春菜煲 MOP 168「春菜」是潮洲食材之一，食落有啲似芥菜，又有清熱作用，配埋火腩煮成一煲，可謂潮州人的浪漫。
韓江酥炸蝦蟹棗MOP 180 將蝦肉及蟹肉用腐皮包裹成形，剪開後外形好似一粒棗，因而得名。
下載APP