為配合電影上映，《春嬌救志明》即將推出電影原聲大碟，當中楊千嬅將會翻唱陳百強的〈當我想起你〉。而近年已經甚少唱歌的余文樂，亦被遊說開金口，唱出當中的四句歌詞。講到今次合作，余文樂笑言：「其實我係聽聞千嬅想搵個model代替我，咁我諗下應該冇邊個model可以代替到我，咁我惟有自己做返，佢又慳返啲錢。」
余文樂坦言對錄音室有恐懼癥，但為了千嬅只好豁出去。相反，余文樂亦對千嬅作出了一個要求，他說：「你將來如果喺紅館開演唱會，可唔可以搵我做嘉賓？由臺底升上臺面，我咁大個仔都未試過，不過我升完就走，唔好叫我表演，純粹過癮啫！」千嬅就話：「咁幾尷尬喎！升完上嚟又落返去，開埠以嚟冇人做過呢件事！」
余文樂笑言對錄音室有恐懼癥。
讚余文樂唱歌好聽
其實千嬅早已為〈當我想起你〉完成錄音，但她覺得好像欠了些甚麼，所以才找來余文樂唱幾句，更叫余文樂相信她的音樂直覺。余文樂笑說：「我梗係唔敢懷疑佢，你睇我嘅音樂成就係零就知啦！」不過，千嬅亦大讚余文樂唱歌好聽：「我同佢唱過K，真心唱得好嘅！如果唱得難聽我會講！」
重演游說過程
接著，兩人重演「千嬅游說余文樂唱歌」的過程，千嬅說：「我首歌本來係搵其他人唱，但係我覺得把聲好似你唱會好啲。」余文樂就答：「好啦！好啦！我唱啦！」千嬅就再進一步說：「咁MV個樣如果唔係你，又好似唔係咁好？」所以余文樂只好無奈答應演出。
下載APP