官恩娜（Ella）喺2015年下嫁畀外籍老公Juan，之後誕下兒子Gabriel後，就全面停工專心湊仔。而家Gabriel已經18個月大，肥嘟嘟之餘又精靈可愛。雖然官恩娜一直都好用心做賢妻良母，但佢就從來冇忘記過自己係歌手呢個身份。近日，官恩娜帶埋Gabriel去外遊時， 忽發奇想喺街頭賣唱，之後再影相放上網！
官恩娜誕下兒子Gabriel後，全面停工專心湊仔。
戴住黑超著起T恤短褲嘅官恩娜，拎起結他自彈自唱，可惜Gabriel太細個，未識欣賞， 只見到佢喺BB車內熟睡。至於官恩娜旁邊就放咗一個結他盒， 盒中嘅牌寫上「Support LocalArtist（支持本地歌手）」。其後，官恩娜喺社交網站貼相，留言指Gabriel瞓足全程。早前，與官恩娜同公司嘅衛蘭，就爆響口話喺錄音室見過官恩娜，相信對方好快推出新歌。唔知官恩娜係咪已經技癢，所以揀喺街頭練歌準備復出呢？
戴住黑超著起T恤短褲嘅官恩娜，忽發奇想喺街頭賣唱。
下載APP