英國「萬人迷」碧咸於2003年獲英女王頒發官佐勳章榮譽。日前，其愛妻Victoria亦獲頒同等嘅榮譽，以表揚佢喺時裝界嘅貢獻。Victoria同老公、父母一齊去到白金漢宮出席授勳儀式，佢從威廉王子手上領過官佐勳章。事後，Victoria發表聲明表達感想：「很榮幸從劍橋公爵手上領過官佐勳章。很開心與我的父母及丈夫分享這特別的時刻。沒有他們的愛及支持，這一切都不可能。」
Victoria獲威廉王子頒發官佐勳章榮譽，表揚佢喺時裝界嘅貢獻。
英國王室頒發官佐勳章畀Victoria嘅決定，令唔少網民不滿，紛紛於王室官方Twitter留言質問，有網民話英國有好多人值得表揚，例如拯救生命嘅醫生及護士，批評英國王室頒勳章畀Victoria係個笑話。不過，亦有人留言話Victoria多年嚟都有喺聯合國做善事，幫助兒童及婦女。早前，碧咸被爆做善事係為咗封爵，所以今次Victoria獲頒勳章時，佢冇現身合照，疑似驚醜聞影響老婆。
網民於英國王室官方Twitter留言，質問Victoria憑乜嘢獲頒勛章？
下載APP