荷里活大隻佬雲迪素（Vin Diesel）同狄維莊遜（Dwayne Johnson）主演嘅《狂野時速8》於內地開畫兩日，勁收十億人民幣，打破《狂野時速7》五日破十億人民幣嘅成績。截至噚日，電影上映四天，內地票房已超過13.8億人民幣。至於台灣票房亦唔輸蝕，開畫當日錄得8,000萬台幣（約澳門幣2,100萬），破咗台灣影史單日票房紀錄，上映四天累積票房已超過2.2億元台幣（約澳門幣5,800萬）。
身兼監製嘅雲迪素同狄維莊遜多次傳出不和。
雖然《狂野時速8》票房大收，但有傳雲迪素同狄維莊遜鬧不和。有消息話製片Neal Moritz好鍾意狄維莊遜同積遜史迪咸（Jason Statham）喺片中嘅互動，有意將佢哋拍成外傳電影。《狂野時速8》片尾原本有段關於狄維莊遜同積遜史迪咸嘅彩蛋，講述兩人化敵為友嘅進展。但有指身兼監製嘅雲迪素知道後相當不滿，即向電影公司高層投訴，最終片段被刪，只會收錄於DVD版本中。
狄維莊遜同積遜史迪咸於片尾嘅彩蛋最終被刪。
下載APP