自農曆新年長假期後， 大家都好掛住Holiday，等咗咁耐佢終於回到大家身邊。復活節除了周圍玩外，周圍食都係必然項目之一。說時遲那時快，各大酒店同餐廳相繼推出自助餐及下午茶，又有多種造型可愛的復活節美點，務求填滿大家空虛已久的五臟廟。係時候搵朋友邊食邊Gathering，談談心事充充電。
復活節甜品茶聚
本地法式甜品店「卡夫卡」，去年冬日與JW萬豪酒店「大堂酒廊」合作，甜點大受歡迎。今年再攜手呈獻「復活節『蛋』出繽紛下午茶」，推出多款又好睇又好食嘅法國甜品之餘，更加入復活節繽紛色彩。例如用荔枝慕斯、覆盆子青檸蜜餞及脆脆造成的「巢」，酸酸甜甜，作為下午茶的開端最好不過。另一邊廂，康萊德酒店「大堂酒廊」的「復活節下午茶套餐 」就以「蝦肉芒果卷」和「咖喱雞肉派」等鹹點作為主力，加上復活節特有的「十字麵包」，款式豐富。飲品除了一般茶或咖啡外，又有復活節特調雞尾酒或無酒精雞尾酒，呷一口節日氣氛！
本地甜品店「卡夫卡」和JW萬豪酒店「大堂酒廊」再度聯手合作，甜點賣相也相當精緻。（相關機構圖片）
康萊德酒店的「復活節下午茶套餐 」，由頂層的「紅燒肉包」開始，吃到底層的「十字麵包」，必定捧腹滿足。
info
復活節「蛋」出繽紛下午茶
日期：即日起至4月30日（1430-1730）
價格：MOP 298
復活節下午茶套餐
日期：4月14至16日
價格：MOP 268/兩位
眾樂樂食大餐
有人喜愛下午茶二人小聚，亦有人喜歡大班人滋味共享。要滿足所有人口味，最好就食自助餐。
康萊德酒店「奧旋自助餐」一直以各國美食吸引胃口，復活節自助餐準備了加拿大雪蟹、燒羊排、各式魚生及烤肉外，午餐時段更會炮製「日式海鮮大阪燒」、「烤菠蘿蜜味火腿」及「蒜茸牛油焗帶子」；而晚餐則有烤美國肉眼扒、香煎法國鵝肝及波士頓龍蝦，讓滋味鎮住場面。
「奧旋餐廳」雲集各國美食，包括地中海、中國、日本、葡萄牙、東南亞及印度等料理。
吃下午茶甜點也講究層次， 建議先以清新的「巢」開始，然後再逐一品嚐其他甜品。（姚英傑攝）
info
日期：4月14至16日復活節自助午餐
價格：成人MOP 298/位; 小童MOP 149/位
復活節自助晚餐
價格：成人MOP 428/位; 小童MOP 214/位
下載APP