韓國綜藝節目《Runnina Man》經歷種種風波後，人氣已不大如前。日前，節目播出嘅最新一集，收視僅得2.8%，跌至開播以來收視新低，認真慘情。見到收視一跌再跌，節目組急急密謀對策，為咗增加節目嘅新鮮度，佢哋秘密前往台灣進行拍攝。今日，有台灣網民喺街頭捕獲《Runnina Man》成員宋智孝、HaHa以及新加入嘅楊世燦，佢哋現身台灣桃園機場，有網民亦喺永康街嘅度小月擔仔麵見到佢哋，令粉絲大感興奮。
三人去完度小月後，再去食芒果冰同造訪麵包店，由於唔少粉絲聞風而至，令到永康術迫爆人潮。據了解，三人今次係執行任務，不過實際內容係乜就要等節目出街先知。今次係《Runnina Man》2014年到台灣六福村取外景後，相隔三年再度到台灣拍攝外景。據《Runnina Man》相關人士透露，今次成員將兵分三路進行任務，除咗宋智孝等到台灣外，李光洙、金鐘國同張度妍會到濟州取景，而劉在錫、池錫辰同全昭旻則前往日本大阪。
下載APP