日前，劉嘉玲、鍾楚紅及徐濠縈等出席展覽活動，劉嘉玲以低胸晚裝現身，十分性感。談及成龍和吳綺莉的新聞，劉嘉玲表示有留意，但不想談論別人的家事。對於向太陳嵐指成龍曾遭巨額勒索，曾為此痛哭，劉嘉玲表示：「冇聽過佢畀人勒索喎！大哥（成龍）點會喊？」
劉嘉玲和鍾楚紅盛裝出席展覽活動。
在接受訪問時，劉嘉玲透露現正為展覽設計一款手袋，她說：「加入好多自己鍾意嘅元素，例如心、開心、密碼同音樂等。」問密碼是否只有老公梁朝偉（偉仔）知道？她笑言：「了解我嘅人都會知道，我一直都有做設計，嚟緊我自己嘅品牌會喺上海舉行時裝騷。（會唔會行騷？）唔會，我會以設計師身份謝幕。」
指成龍有難處
談及工作繁忙，如何抽空陪偉仔？劉嘉玲表示：「係好忙但好開心，我喺屋企做，好方便，偉仔有時畀到靈感我。」早前，劉嘉玲出席成龍舉辦獲得「奧斯卡」終身成就獎的慶祝派對，問她是否有留意對方與吳綺莉的家事新聞？劉嘉玲笑言：「有睇報道，人哋家事好難講，呢件事每一個人都有難處。」
早前， 吳綺莉舉行記者會控訴成龍，吸引全城關注。
封成龍做硬漢
早前，向太陳嵐大爆成龍曾遭巨額勒索，又指對方曾為此痛哭。對此，劉嘉玲否認成龍遭人勒索一事，更指成龍是硬漢，應該不會喊。對於向太指成龍有情有義，劉嘉玲表示：「每個人都有好多面，唔係剩係得一面，我都有好多面。影壇有一個咁傑出嘅藝人，我哋應該為佢值得驕傲。至於旁人嘅家事，我就好難評論。」
向太陳嵐大爆成龍曾遭巨額勒索，又指對方曾為此痛哭。
下載APP