剛剛踏入49歲生日嘅英國男星丹尼爾基格（DanielCraig），一直係占士邦系列電影嘅主角人選。可惜佢2015年拍完《007：鬼影帝國》後，曾多次放風話唔想再演占士邦，令電影公司及導演一度要另覓人選，但始終都係搵唔到合適嘅新任占士邦。日前，有消息話丹尼爾基格受銀彈攻勢打動，睇錢份上，會再接演兩部007系列電影。
據外國媒體報道， 電影公司以1.5億美元（約澳門幣12億）片酬，成功利誘丹尼爾基格再演出兩部續集，目前雙方已進入簽約階段。至於一度被指係新任占士邦大熱嘅英國男星湯赫度斯頓（TomHiddleston），就被電影監製BarbaraBroccoli認為其形象唔夠強悍，有欠穩重。而湯赫度斯頓同舊愛TaylorSwift嘅戀情太過高調，都係被Out主因，令佢同占士邦一再擦肩而過。
下載APP