華裔加拿大人藍可兒（Elisa Lam）於2013年被發現陳屍洛杉磯酒店水缸，呢宗懸案充滿疑點，事隔多年仍有唔少人對案件感興趣，有導演決定將此案搬上大銀幕。事件始於藍可兒於洛杉磯酒店離奇失蹤，隨後警方公布錄影，顯示佢曾於電梯內有怪異動作，但警方強調佢冇精神問題。失蹤三周後，藍可兒嘅屍體喺酒店頂樓嘅水箱中被發現，警方經數月調查後，認定佢死於意外溺斃。
兩名美國導演決定將藍可兒案件拍成紀錄片。
據網站《Dread Central》嘅報道，兩名美國導演Jake Anderson及Jared Salas決定將藍可兒案件拍成紀錄片，佢哋用咗三年時間進行調查，希望客觀呈現事實真相，並發起募捐活動，目標係籌得三萬美元（約澳門幣24萬）。其實多年嚟有唔少電影人對呢單案件有興趣，張家輝就於2014年執導嘅電影《盂蘭神功》中，重現藍可兒喺電梯內嘅詭異行為。
藍可兒於電梯內有怪異動作，但警方強調佢冇精神問題。
下載APP