今年年初，劉德華（華仔）於泰國拍攝廣告時意外墮馬受傷，住院治療近兩個月後已出院回家休養。噚日，華仔經理人公司發表聲明，宣布華仔原定於年尾舉行嘅個唱取消，並解釋：「劉德華先生目前進入康復階段，根據醫療團隊的建議，未來一年是非常重要的階段，所以決定取消年尾的演唱會。至於未來工作項目計劃，將依康復進度及醫生指示再作安排。」
隨後，華仔亦於官網發表公開信，佢以「親愛的，不急」為題，透露每日都會練習企起身同行路，就算只係得十次，每次練習只有十分鐘，但對佢嚟講都係好重要。對於取消年尾嘅個唱，華仔安撫粉絲話：「我不急，家人不急，所有人不急，面向健康的目標，我眼神是堅定的。」其實華仔受傷之初，曾十分堅持年底嘅個唱如期舉行，最終做出呢個決定，相信係華仔經過深思熟慮嘅結果。
網民瘋傳劉德華謝霆鋒舊相致敬
劉德華42年前咀霆鋒舊照出土
萬元旗艦機皇Mate 60 RS登場
萬元旗艦機皇Mate 60 RS登場
劉德華機場被大批粉絲捕獲
劉德華獲頒「特別貢獻獎」
容祖兒唱跳賀劉德華62歲生日
劉德華62歲生日派對似演唱會
拍片表示遺憾未能親自來澳領獎
下載APP