曾多次與女兒吳卓林爭吵，而驚動警方嘅吳綺莉，日前又因涉嫌刑事恐嚇，被警芳拘捕。噚日，吳綺莉駕車返回大坑寓所，佢落車後接受記者訪問，首度公開回應事件。吳綺莉表示今次係家庭問題，而且只係小事：「情況都係一般屋企咁，爸爸、媽媽、小朋友講嘢語氣重咗，要解決，無話嬲唔嬲。」
吳綺莉駕車返回大坑寓所，接受記者訪問。
問到女兒吳卓林現在身在何處？吳綺莉就話佢喺安全地方。問到女兒會唔會返屋企？吳綺莉答：「會，實會，屋企嚟㗎嘛！」佢又話：「兩母女無話原唔原諒，一家人。唔好意思，因為我做呢行，呢件事喺一般家庭嚟講唔係咩大件事，盡量會妥善處理。」至於成龍日前出席公開活動時，就急急腳避開記者，睇嚟唔想就呢件事作出回應。
吳綺莉同吳卓林吵架期間，有人出言恐嚇：「你唔死，我死！」
下載APP