日前，現年36歲嘅鍾欣潼（阿嬌），驚傳搭上內地富二代秦奮。其實兩人去年7月已傳過緋聞，當時阿嬌喺微博貼出兩人嘅合照，祝對方生日快樂。隨後即瘋傳兩人拍拖，但當時阿嬌極力否認戀情，佢話：「你們可以去當編劇去了，那我以後甚麼都不發好了。」不過，日前阿嬌又被拍到陪秦奮打波，全程猶如小粉絲做拉拉隊打氣，兩人不時眉來眼去，令緋聞再度被翻炒。
鍾欣潼被爆搭上內地富二代秦奮，引嚟網民熱烈討論。
秦奮係內地名門之後，曾因喺上海撞毀價值澳門幣2,000萬嘅法拉利跑車而聞名。佢除咗同內地女星賈青傳過緋聞，同內地網上紅人「喜哥」嘅戀情似乎最著跡。早前，喜哥就喺Instagram貼出被秦奮錫額頭嘅相放閃。阿嬌被爆搭上秦奮後， 有網民喺微博問喜哥：「你和秦奮分手了？」喜哥直接回應：「我們很好，謝謝關心！」有粉絲送上祝福，佢亦回復：「謝謝，我很幸福。」明顯係要宣示主權，咁阿嬌呢？
下載APP