講到食「Tea」，除咗精美點心外，又點少得一個靚靚層架，一來提升整個用餐格調，二來無論影食物擺IG，還是自拍都可以自我感覺良好。但層架位置有限而食量無限，有見及此，近期有愈來愈多自助下午茶選擇，而君悅酒店「大堂酒廊」的自選下午茶， 除了保持著一貫高雅氣質，更加入DIY體驗，可親手製作出最合自己心意的茶點。
雖然無靚靚甜點層架，但「大堂酒廊」對擺設上的追求亦一絲不茍。用餐前服務員會先了解大家的顏色喜好，再推薦相應的餐具選擇，有傳統中式橙紅色配搭、八角形Tiffany blue 餐碟、鏤空的歐式Lace 花邊，以及葡式線條風格，每款都非常精緻獨特。鹹點方面選擇充足，有下午茶常客「煙三文魚貝果包」，貝果甚有嚼勁之餘，煙三文魚的油香亦有充分發揮的機會。而「法式蛋批」、「英式鬆餅」及「葡式蛋撻」更可以即場加熱，非常貼心。特別是「煙肉洋蔥批」，加熱後香噴噴，批內的芝士亦隨之溶化，加上鬆化批底，大啖咬入口就非常滿足。
熱熱的窩夫香脆鬆軟，加上多達十種配料任意搭配，「窩夫粉」一定like 爆！（姚英傑攝）
DIY窩夫配雪糕
下午茶又怎能沒有甜點呢？「大堂酒廊」的自選下午茶，特地設置窩夫機，可嘗試親手炮製自家窩夫，再加上新鮮水果、朱古力、蜜糖等配料，創作出啱曬個人口味的甜品。唔夠特別？旁邊的雪糕機，還提供即製幼滑的北海道雪糕，放到自家製窩夫上，夠曬獨一無二！除此之外，即叫即製的，還有鬆軟輕盈的梳乎厘，以薑汁味做得最出色，薑味飄香再滲出清甜味，讓人一口接一口。至於朱古力味梳乎厘未算濃郁，但入口即溶的質感實在加分不少。凍櫃裡還有近20款甜點選擇，而且每款都色彩繽紛，配埋精美餐碟，一於過一個浪漫午後，點可以唔約埋三五知己一班蜜友一齊歎番下？
精緻繽紛的甜點配搭華麗的餐碟，令下午茶更有格調。
現場特設窩夫機，可讓食客大展身手，而且保證新鮮熱辣。（相關機構圖片）
梳乎厘亦是即叫即焗，令大家不會錯過最佳品嚐時間，另外更有三個凍櫃提供「馬卡龍」及「木糠布丁」等甜品。
info
時間：14:00-18:00
價錢：MOP 219/ 位
下載APP