今年1月，劉德華（華仔）於泰國拍攝廣告期間，不慎墮馬受傷，導致盆骨多處骨折。留院治療一個多月後，早前華仔於官網報喜，話盆骨骨折癒合情況理想，終於可以出院，目前留在家中休養。噚日，有消息話華仔拍廣告出事後，廣告商有意將呢個廣告抽起唔播。不過，華仔唔想廣告商有損失，堅持廣告喺本月月尾如期出街。
據了解，呢個廣告華仔已經拍咗一半，目前諗緊用替身埋尾，定係剪輯一個全新版本，但廣告一定要華仔睇過先出街。此外，華仔主演嘅新戲《拆彈專家》原本定於下月28日開畫，但華仔受傷後電影公司有意延遲上映，不過華仔反對，之後佢會親自為電影拍攝宣傳片。至於年尾一連20場嘅跨年演唱會，由於唔想令歌迷失望，華仔亦會如期照做。
劉德華反對新戲延遲上映，嚟緊佢會為電影拍攝宣傳片。
網民瘋傳劉德華謝霆鋒舊相致敬
劉德華42年前咀霆鋒舊照出土
萬元旗艦機皇Mate 60 RS登場
萬元旗艦機皇Mate 60 RS登場
劉德華機場被大批粉絲捕獲
劉德華獲頒「特別貢獻獎」
容祖兒唱跳賀劉德華62歲生日
劉德華62歲生日派對似演唱會
拍片表示遺憾未能親自來澳領獎
下載APP