昨日，銀都機構於「香港國際影視展2017 」舉行電影發布會，頭炮電影《毒．誡》由劉青雲、古天樂（古仔）、張晉及林家棟主演，故事以「慈雲山十三太保」首領「茅躉華」（陳慎芝）傳奇故事改編，講述江湖大佬改邪歸正的故事。劉青雲在片中飾演陳慎芝，他笑言：「故事好特別，好多人曾經做錯事，但可以重新做人，係呢個世界缺少嘅體諒同寬恕。」
劉青雲笑言和大象做戲有一定危險性，擔心會少了一個影帝。
古仔在新戲中由警察變為毒犯，但其角色造型以長髮配上喇叭褲出現。對此，古仔笑言：「戲入面我幾十歲都鍾意睇漫畫，睇我嘅假髮就知我可愛。」林家棟則飾演做盡壞事的李兆基，而張晉就飾演最打得嘅貓仔，佢話：「戲中患絕癥，為咗演出嗰種病態，用咗一段時間減肥令自己變瘦。」
現場曝光了劉青雲、古天樂及林家棟等， 在《毒．誡》中的造型。
溫拿樂隊與飾演少年溫拿的演員即場夾Band。
同大象做戲驚出事
而劉青雲在另一套主演的電影《我的寵物是大象》中，飾演過氣馬戲團團長，與四頭大象和一頭幼象為伍。劉青雲表示跟大象演對手戲，雖然有多名馴象師在場，但仍有一定危險性，他說：「我從來未試過，呢個係非常好嘅經驗，同內地團隊合作。我拍時有啲驚，因為要將手放入大象口，假如佢殺咗我，會少咗個影帝。」
《兄弟班》以溫拿為藍本
此外，伍允龍、吳建豪和安志杰，繼十多年前合作《少年阿虎》後，這次再度攜手演出警匪電影《臥虎潛龍》。至於由陳友執導、以溫拿樂隊為藍本的《兄弟班》，就講述六名少年追尋音樂夢想，除了任達華、廖啟智及惠英紅等好戲之人演出外，溫拿成員亦會現身客串，他們還和飾演少年溫拿的演員即場夾Band，獻唱主題曲。
安志杰和伍允龍相隔十多年再度合作，兩人在臺上大展拳腳。
下載APP