昨日，古天樂（古仔）、林家楝、泰國功夫巨星Tony Jaa及動作導演洪金寶等，齊齊亮相「香港國際影視展」，為新戲《貪狼》舉行發布會。古仔在片中挑戰大量高難度動作打戲，獲洪金寶大讚是罕有的武打巨星。問古仔是否想挑戰「宇宙最強」甄子丹？他笑言：「佢係一個打十個，我係一個打十幾個，不過係分開打。」
古天樂從影以來首度挑戰動作片，更揚言一個打十幾個。
在接受訪問時，洪金寶大讚古天樂於新戲中的表現十分亮眼，是近十多年罕有出現的武打巨星。對此，古仔謙虛表示：「今次好艱難，我本身唔係動作演員，戲入面有場長達十幾分鐘嘅打戲，洪金寶大哥安排咗好多武師拍，剪埋片加埋配樂畀我睇，我睇完眼都跌埋出嚟，拍到我好似好好打。」
《貪狼》承繼《殺破狼》系列武打風格，令觀眾看得過癮。
古仔一個打十幾個
古仔坦言這次是自己從影以來首度拍攝動作片，他說：「一個打十幾個，只受皮外傷，有一場拍咗個幾禮拜，今次幾難忘，下次盡量拍少啲打戲。」問他是否想挑戰「宇宙最強」甄子丹？古仔笑言：「佢嘅地位無可取代，我只係分開打十幾個，一個最多打四個，開頭大哥叫我打，我唔相信自己做到，當中九成自己做，只有翻騰動作要替身。」
該片由葉偉信（中）執導，洪金寶（左）擔任動作導演。林家楝被泰文考起
剛奪評論學會影帝的林家楝，這次被考起的不是動作， 而是泰文，他表示：「我得一句廣東話對白，其他全部講泰文，啲音好似廣東話粗口，自己邊講邊笑到見牙唔見眼。」問林家楝有沒有活學活用，和當地人用泰文溝通？他表示：「每天拍之前一日收到劇本，每日喺酒店房練習，唔敢周圍去。」
古天樂在片中為救女兒捲入器官交易，從而深入泰國。
下載APP