電影《一念無明》喺「金馬獎」奪得最佳新導演後，於「大阪亞洲電影節」再下一城，奪得電影節大獎最優秀作品獎，榮譽等同最佳電影。導演黃進感謝日本觀眾支持，他表示：「很高興電影內容、題材能與世界各地觀眾接通，引發共鳴，希望電影可以去得更遠，接觸更多觀眾。」至於喺「金像獎」獲得12項提名嘅《七月與安生》，就被評為眾多參展電影中最具娛樂性嘅作品。
《骨妹》嘅廖子妤獲得最具前途影星獎。
除了《一念無明》同《七月與安生》，演出本地作品《骨妹》嘅廖子妤，亦獲得最具前途影星獎。廖子妤對於獲得影視生涯第一個大獎感到意外，佢話：「一心只是打算來大阪宣傳電影，想不到可以獲獎。今早簽名會有日本觀眾話兩年前喺東京電影節睇過我之前有份演嘅《同班同學》，好感動，好多謝日本嘅觀眾。」問到有沒有信心奪得「金像獎」最佳女配角？佢就話唔敢諗太多。
一眾得獎者喺後台合照，難掩興奮心情。
下載APP