日前，劉嘉玲以大使身份現身好友呂良偉的畫作慈善活動，她透露梁朝偉亦有畫畫，更大讚老公有天份：「佢第一幅我已經收藏咗，係畫樹，之前鄧永鏘介紹一個英國皇室御用畫家教佢。」談及早前和關之琳同場參加婚宴，遭對方串爆：「佢應該會尷尬啲。」劉嘉玲表示不會放在心上，更坦言不介意和對方做回朋友。
劉嘉玲坦言好多爭拗都來自女人口中講女人。
談及剛剛過去的國際三八婦女節，劉嘉玲自言是「Working Woman」的人辦，她認為女人應該有自己的工作，不要求別人保護自己，女人應當自強：「呢個世界對女人有偏見，可惜偏見評論往往來自女人，女人應該保護番女人。」劉嘉玲坦言好多爭拗都來自女人口中講女人：「其實女人應該愛護女人，呢啲都係出於妒忌心。」
劉嘉玲以大使身份，現身好友呂良偉的畫作慈善活動。
不介意聽到是非
問劉嘉玲是否從別人口中聽到是非？她說：「都會有，每日都會存在，我而家心臟已經好強壯，以前聽到唔舒服，覺得人有負面同正面聲音，尤其而家社交平台咁廣泛，咁樣令自己要求更嚴格。」至於聽到是非會否不開心？劉嘉玲表示：「而家唔會喇！反而我會喺另一個角度睇自己，可能自己真係有咁嘅問題，人冇可能係完美！」
劉嘉玲坦言了解關之琳心情，不介意和對方做回朋友。
了解關之琳心情
去年，關之琳公開指責劉嘉玲與前夫陳泰銘相約行山，是不顧她的感受，令兩人逾20年友情決裂。問劉嘉玲是否仍然介懷？她笑言：「我唔介意，我了解佢嘅心情。（可以做返朋友？）咁要睇佢，但我相信時間可以解決一切。」提及有傳富商劉鑾雄健康不穩，劉嘉玲表示：「冇聽過，見佢愈嚟愈好，呢啲人哋屋企事，理唔到咁多，祝佢早日康復，身體健康。」
劉嘉玲透露梁朝偉在家中有畫畫，更大讚老公有天份。
下載APP