英國女星愛瑪屈臣（Emma Watson）主演嘅迪士尼真人版電影《美女與野獸》，將於本月17日正式上映，最近佢忙於四出宣傳新戲。早前，愛瑪屈臣為雜誌《Vanity Fair》拍攝封面，平時著得密實嘅佢，罕有著住透視薄紗上衣，披上白色通窿Burberry小斗篷，騷胸半露，配上男仔頭髮型，極盡性感，就連張敬軒都扮呢個造型抽水。
愛瑪屈臣露胸拍攝性感封面，遭網民炮轟係「偽君子」。
愛瑪屈臣向來以女權主義者自居，佢今次露胸拍攝性感封面，引發唔少女權人士炮轟係「偽君子」，批評佢自視女權主義者，依然拍呢啲「討好男性」嘅性感相。對此，愛瑪屈臣日前接受訪問時解釋，女權同自由及解放有關，佢話：「女性主義是給予女性選擇權，女性主義不是用來攻擊其他女性。這是關於自由、關於解放以及平等。我真的不懂我的胸部跟這有甚麼關係？這令人非常困惑。」
愛瑪屈臣話女性主義唔係用嚟攻擊其他女性。
下載APP