早前，「第89屆奧斯卡頒獎禮」發生史無前例蝦碌事件，壓軸頒發最佳電影時，錯誤將《月亮喜歡藍》嘅獎項，頒畀《星聲夢裡人》，連累宣布賽果嘅老牌男星華倫比堤同女星菲丹娜慧成為眾矢之的。其後事件真相大白，原來係負責保管信封嘅「羅兵咸永道會計師事務所」會計師Brian Cullinan，喺後臺派錯信封畀華倫比堤，之後仲爆出Brian喺工作期間不斷同明星合照，疑似疏忽職守。
奧斯卡將永遠免除Brian Cullinan（右）嘅職務。
噚日，奧斯卡大會宣布將永遠免除Brian 同佢拍檔Martha Ruiz 嘅職務，而佢哋隸屬嘅「羅兵咸永道會計師事務所」，同奧斯卡83年嘅合作關係亦被「重新審核」。會計師樓主席Tim Ryan 指Brian對錯誤感到十分自責，佢話：「他覺得整件事太差勁、太可怕，他對這個過失感到非常懊惱。雖然我都擔心，但希望大家看到我們處理這件事時的反應如何迅速。」
Brian Cullinan喺頒發獎項前一刻，上載影后愛瑪史東嘅照片呃Like。
下載APP