崔建邦（Amigo）早前被爆同模特兒女朋友陳嘉莉（Kelly）分手，之後有傳佢暗交林珊珊細女李怡。噚日，又有報道話Amigo曾對Kelly動粗，引嚟全城關注。對此，Kelly話同Amigo已經分開一段時間，但就冇交代分手原因。而Amigo就否認動粗打Kelly嘅傳聞，佢話對不實嘅報道感到失望，仲話會聯絡律師採取法律行動！
據香港媒體報道，Amigo曾向Kelly怒掟iPhone，搞到對方隻手瘀咗，仲經常當眾對Kelly講粗口。隨後，Amigo喺Instagram承認同Kelly已經分手，佢話：「去年結束了一段有努力經營過嘅愛情，不過分開之後大家仍然是朋友，我仍然會關心同祝福對方，希望佢會有美滿嘅人生。」至於佢係咪同林珊珊細女李怡搭上，林珊珊接受訪問時就回應：「我只能說，謹代表我的女兒回應，我了解嘅係大家都係識朋友啫！」
崔建邦否認動粗打女友嘅傳聞，仲話會聯絡律師採取法律行動。
陳嘉莉承認同崔建邦已分開一段時間，但就無交代分手原因。
下載APP