現年22歲嘅港女Seasun，喺TVB節目《有樓萬事足》中語出驚人，以一句「有樓有高潮」掀起全城熱話。節目播出後，Seasun火速遭起底，有傳佢19歲參加「國際旅遊小姐」選舉時，曾同贊助商之一嘅趙世曾同居。噚日，有網民喺Facebook曝光一輯Seasun嘅全裸性感寫真，相中佢擺出多個性感Pose，尺度大膽，但就被網民恥笑超老土。
Seasun喺TVB節目中，以一句「有樓有高潮」掀起全城熱話。
對於全裸性感寫真流出一事，Seasun接受訪問時話：「唔回應喇，唔想愈描愈黑。」問佢有冇印象拍過呢輯相？有冇金錢交易？Seasun話：「重點唔喺呢到，我覺得係有人借我上位。」Seasun話會私下搵曝光寫真嘅網民解決件事，仲向對方挑機話：「同佢講，雖然我好斯文，但一睇就知唔係善男信女，佢再唔刪咗啲相，有乜後果我都控制唔到。」
有網民曝光一輯Seasun嘅全裸性感寫真。
下載APP