去年，人氣韓片《下女誘罪》34歲女星金敏喜，被爆介入54歲導演洪尚秀嘅婚姻，雖然事件令佢形象嚴重插水，但無損評審對佢演技嘅肯定。日前，金敏喜憑新戲《獨自一人在夜晚的海邊》奪得「第67屆柏林電影節」銀熊獎，成為首位韓國柏林影后。喺上台領獎時，金敏喜公開向已婚導演洪尚秀示愛，高調大晒兩人嘅婚外情，令韓國網民相當不滿。
金敏喜憑《獨自一人在夜晚的海邊》，成為首位韓國柏林影后。
金敏喜憑《獨自一人在夜晚的海邊》獲封柏林影后，而該片情節更似足佢嘅經歷。金敏喜喺片中飾演搭上已婚男士嘅女星，而喺現實中，佢同電影導演洪尚秀亦同樣發展婚外情。洪尚秀更為咗金敏喜，要求同結婚31年嘅太太離婚，惹嚟韓國網民十分不滿。雖然洪尚秀同金敏喜從未回應事件，但日前兩人手拖手現身柏林影展紅地毯公開放閃，令外界嘩然。
洪尚秀同金敏喜手拖手現身柏林影展紅地毯。
下載APP