由郭富城、鞏俐等人主演嘅新戲《西遊記之孫悟空三打白骨精》將於農曆新年大年初一正式上映。噚日，電影公司就發布咗最新嘅預告片，喺片中飾演「妖皇」白骨精嘅鞏俐亦首次現身，佢以一句：「先跟他們玩玩！」帶出同孫悟空正邪對決嘅戲分。其後，更呈現出白骨精三戲孫悟空得手後，美猴王被趕走嘅催淚情節。
鞏俐飾演嘅白骨精，喺首映中獲唔少觀眾大讚夠冷艷。
鞏俐、羅仲謙同導演鄭保瑞，早前去到杭州出席新戲嘅試映會，唔少觀眾睇完《西遊記之孫悟空三打白骨精》都大讚鞏俐演嘅「妖皇」白骨精好冷艷，內心戲做得非常好。對於畀咁多人讚，鞏俐都覺得好開心，佢仲主動同現場觀眾握手，佢話：「在內地做完宣傳，農曆新年會回山東老家過節。」雖然鞏俐而家長住法國，但佢話每年農曆新年，都會返老家同鄉里一齊過年。
郭富城飾演嘅孫悟空，將會同白骨精嚟一場正邪對決。
下載APP