由三大影帝周潤發（發哥）、郭富城及梁家輝主演、梁樂民同陸劍青執導嘅《寒戰2》叫好叫座，累積票房超過澳門幣6,200萬，登上香港史上華語片票房第一位。噚日，電影公司宣布將於今年年尾開拍《寒戰3》，除咗上集嘅原班人馬，於首集中飾演保安局局長嘅劉德華亦會回歸。不過，劉德華因早前拍攝廣告意外受傷，需要休養大半年，到時都要睇返佢嘅康復情況，先知道可唔可以演出。
周潤發、郭富城及梁家輝將繼續演出《寒戰3》。
為咗激勵士氣，日前電影公司拉隊食盆菜，呢間盆菜店係發哥至愛，佢生日都係請朋友嚟呢度食飯慶祝，所以當日發哥同發嫂、郭富城經理人小美、兩名導演及一班幕後人員都有出席。而郭富城同梁家輝因為喺大陸拍緊戲，所以就冇嚟到呢餐飯局。問發哥係咪落實接拍《寒戰3》？佢話：「要先睇劇本，相信合作機會好大。大家難得聚舊，傾得好開心。」
周潤發和電影公司老闆江志強（右）拉隊食盆菜。
訂造電腦燈效強化重量級舞台
郭富城深圳演唱會突破舞台界限
57歲郭富城再戰格蘭披治
郭富城《舞林星傳》突破舞台界限
郭富城倒數預告澳門賽車見
郭富城唔做靚仔做哨牙悍匪
郭富城破天荒扮哨牙演悍匪
郭富城重返澳門格蘭披治賽車
拍片表示遺憾未能親自來澳領獎
下載APP