為音樂走訪世界各地嘅林一峰，由於行程相當頻撲，最終導致身體響起警號！噚日，林一峰喺社交網站報平安，並貼出一張喺醫院留醫嘅相，見到佢鼻孔插喉，睇落好似幾嚴重。林一峰就話自己上星期突然倒下，之後出現短暫昏迷兼癲癎發作，需要入院檢查。林一峰除咗多謝醫護人員嘅照顧，仲向歌迷承諾：「我會養好身體，做好音樂。」
林一峰為音樂走訪世界各地，導致身體響起警號。
噚日，林一峰喺社交網站上講：「我一直在策劃、創作、製作，終於我的身體亮起了警號。有聽海琪訪問節目的朋友會知道，上星期六晚，重感冒兩三天之後，我在二汶家忽然倒下來。然後兩次短暫昏迷及癲癎發作，立即送院急救及留醫。所有可以驗的東西都驗了，就是找不出癲癇發作的原因。現在已經沒大礙，大家放心。我會順其自然讓事情發生，我不想趕了。這次新專輯的交貨期，我會順延一個月，答應你們的事情我一定會做到最好。」
林一峰貼出喺醫院留醫嘅相，見到佢鼻孔插喉。
下載APP