蔡卓妍（阿Sa）在過年前因勞累而胃酸倒流，導致聲帶水腫發炎，看醫生針灸後好轉，但醫生建議她最好休息大半年，少說話不唱歌。不過，阿Sa最近忙於準備美國的巡迴演出，要焗住開聲唱歌，她說：「根本冇可能抖咁耐，但我聽晒醫生話，每日七點按時食飯，又去咗針灸，而家身體好咗，把聲都開咗好多。」
蔡卓妍因過勞而胃酸倒流，導致聲帶水腫發炎。
阿Sa和鍾欣潼（阿嬌）將於本月19日前往美國Reno舉行巡迴演唱會，接著在三藩市搞歌迷見面會，之後的巡迴演出也非常密集。對此，聲帶發炎的阿Sa唯有焗住唱，她表示：「我好聽醫生話，努力改變生活習慣，身體真係好咗，把聲都開咗好多。針灸要針埋個鼻，其實都幾痛，不過針完之後我發覺又幾好，黑眼圈都好似細咗。」
蔡卓妍和鍾欣潼將於19日前往美國Reno舉行巡迴演唱會。
阿嬌新年肥足20磅
至於阿嬌則透露農曆新年期間吃太多，導致荷爾蒙失調，肥了20磅。在營養師調節飲食下，阿嬌終於慢慢減下來，她表示：「我真係好唔乖，喺新年期間去咗台灣狂食，食到盡咗㗎啦！之後開始食營養師餐，不過遲啲又要去拍美食節目，食盡全世界，去美國之前先去日本，我都唔知點算好，明明減緊肥，又要不停喺鏡頭面前食。」
鍾欣潼透露新年期間吃太多，導致荷爾蒙失調，肥了20磅。
阿Sa預告行桃花運
談及今年情人節如何度過，阿嬌透露會在日本工作，沒有情人。阿Sa則表示要去紐約時裝節，她說：「我個髮型師會帶埋女朋友一齊去，但我自己就一個人，咁咪唯有做佢兩個嘅電燈膽囉，坐喺佢哋中間整蠱佢！我冇情人，佢哋都咪使旨意過情人節！」阿Sa透露媽媽過年有幫自己買桃花，所以今年可能會有桃花運行。
看醫生針灸後，蔡卓妍病情有所好轉，醫生建議她休息大半年。
下載APP